日本製 NIKKEN 青蜓牌文武刀

每個屋企廚房入面都一定有一把中菜刀🔪，平時阿媽「斬」「切」「片」「剁」一刀搞掂晒，但要買好嘅中菜刀真係唔容易🤨

最近一位刀具老行尊介紹咗一把日本品牌中菜刀，鋼水好，刀鋒尖利，不黐刀，更重要是……尺寸長度重量符合香港人要求，原因是，這把刀由香港人設計，唔怪得用起來，得心應手🤭

呢把中菜刀🔪是由🇯🇵日本蜻蜓牌 Nikken 製造。品牌係日本已經有⿦⿠多年歷史，近年應香港一位資深刀具經銷商要求，合作做刀。呢位老行尊年過七十👴，賣刀賣咗三十幾年，一直認為蜻蜓牌鋼料好👍🏻，打磨技術出色👍🏻，年多前提出合作計劃，由呢位刀具老行尊設計廚刀，交由日本蜻蜓牌生產。就係咁，第一把「文武刀」面世🎉🎉

呢把中式菜刀聲稱能「斬」「切」「片」「剁」，係一把全能菜刀。長方刀配上💎矜貴嘅紫檀木手柄，拎上手重十両多，有墜手感覺，第一印象是做工用料好。
鋼料用上日本的「特殊鋼」，即混合堅硬的不鏽鋼和彈性的高碳鋼，堅硬度和柔韌度俱佳，好處是，斬切剁肉不用硬鬥硬，省力亦惜刀；刀身耐用，不易崩或捲曲。
菜刀特意加厚至 3mm，強化硬度，刀夠重身，斬剁更省力氣。
同時，也參考日本菜刀設計，刀鋒由日本刀匠人手打磨，做得夠尖夠長，刀刃兩邊加有波浪磨砂，減低片切時黐刀的情況，比傳統常用的中菜刀優勝，加上售價合理，所以推出一年，早於本地刀具界贏得不少口碑。暫時只在香港幾間傳統刀鋪發售，連國內台灣也沒有。

尖沙咀金燕島潮州酒樓行政總廚吳木興師傅，為國家級廚師，入廚幾十年，最擅長薄切和蔬菜雕花，幾秒時間就可雕好蘿蔔花，刀功厲害。他試用日本文武刀後，大讚這刀鋼水十足，夠墜手，而且刀身尺寸，很適合家庭用。
「切葱絲乾淨利落；薄切番茄花式，刀尖鋒利，可以𠝹出 5mm幼條，幾下便做好蔬果雕花；斬豬骨，一刀到尾；剁豬肉，很少黐刀；就連片鹹酸菜，也不怕鹽傷刀，做到透薄效果真不錯。美中不足是刀柄短一點，手大的男士未必喜愛。」

保養貼士
想好刀更加耐用，就要留意以下三點：
1. 刀尖切片，刀尾斬 刴，減低刀鋒勞損崩缺。
2. 斬骨不撬刀，否則易崩口。
3. 不可切未解凍食品。
4. 用後清水洗，再抹乾，免生鏽。

SRP$288